Croeso cynnes i wefan Ysgol Gynradd Aberaeron.

Yn Ysgol Gynradd Aberaeron, rydym yn ymfalchïo mewn meithrin amgylchedd dysgu cynhwysol, diogel a chroesawgar lle mae pob plentyn yn cael y cyfle i dyfu, datblygu a llwyddo. Ein nod yw meithrin cariad at ddysgu, hyder i archwilio syniadau newydd, a pharch tuag at ein gilydd a’n cymuned.

Rydym yn ysgol sy’n gwerthfawrogi ein gwreiddiau Cymreig, ac yn falch o gynnig addysg ddwyieithog sy’n paratoi ein disgyblion ar gyfer byd eang sy’n newid yn gyflym. Mae ein staff ymroddedig yn gweithio’n agos gyda rhieni, gofalwyr a’r gymuned ehangach i sicrhau bod pob plentyn yn teimlo’n werthfawrol ac yn cael ei gefnogi i gyrraedd ei botensial.

Credwn yn  gryf bod lles emosiynol yn hanfodol i bob unigolyn — boed yn blentyn neu’n oedolyn — er mwyn gallu ymgysylltu’n llawn â dysgu. Rhoddir gryn bwyslais ar les staff a disgyblion, gan greu diwylliant o ofal, cefnogaeth a chydweithio.

Mae cymuned yr ysgol yn greiddiol i bopeth a wnawn. Rydym yn gweithio’n agos gyda thref Aberaeron a’r ardal ehangach i sicrhau bod dolen gref rhyngom ni, gan feithrin ymdeimlad o berthyn, cyfrifoldeb a balchder lleol. Mae’r cysylltiadau hyn yn cyfoethogi profiadau ein disgyblion ac yn cryfhau ein hunaniaeth fel ysgol.

Rydym yn hoffi torri tir newydd ac yn chwilio’n barhaus am y dulliau mwyaf arloesol ac addas i ddarparu’r profiadau gorau posibl i’n disgyblion. Mae creadigrwydd, hyblygrwydd ac uchelgais yn rhan annatod o’n dull o addysgu.

Diolch am ymweld â’n gwefan. Gobeithio y cewch gipolwg ar fywyd bywiog ein hysgol, a’r cyfleoedd cyffrous sydd ar gael i’n disgyblion.

Gyda chofion cynnes, 

Mrs Anwen Lloyd-Hughes

Pennaeth